Efektivi i Antidrogës që ishte në një makinë me Bledar Birçajn kur ky i fudit u ekzekutua, është përjashtuar nga radhët e policisë. Ka qenë vetë kreu i Policisë së Shtetit, Ardi Veliu që ka firmosur urdhrin për përjashtimin e Granit Deromemës nga radhët e efektivëve të policisë.
Ardi Veliu ka firmosur një shkresë ku argumentohet se një nga arsyet që e përjashtimit të efektivit ishte edhe mungesaa e reagimit nga ana e tij në momentin kur Bledar Birçaj u ekzekutua, edhe pse Deromema e kishte armën e shërbimit me vete. Ndër të tjera, efektivi ishte në dijeni që biznesmeni 40-vjeçar që u vra me breshëri plumbash lëvizte me armë pa leje në makinën e tij, por nuk kishte reaguar edhe për këtë gjë.
Në dëshminë para hetuesve, Deromemaj ka thënë se njihej me viktimën prej kohësh dhe ka mohuar se ishte në dijeni të aktiviteteve të tij të paligjshme.
Bledar Birçaj u ekzekutua me breshëri kallashnikovi në Vlorë në 10 maj në në lagjen “Hajro Çakërri”, teksa lëvizte me makinën e tij tip “BMË X5” Ai u transportua në spitalin e Vlorës, por nuk arriti t’u mbijetonte plagëve të marra. Policia nuk ka arrestuar ende asnjë person të dyshuar për ngjarjen në fjalë.
.
