Donika Prela, drejtuesja e Prokurorisë së Krimeve të Rënda ka aplikuar sot të jetë pjesë e SPAK. Pak kohë më parë, ndonëse pati shumë akuza, Prela arriti kalonte vettingun e të konfirmohej në detyrë.
Gara për të kandiduar për tu bërë pjesë e Prokurorisë Speciale do të jetë e hapur deri nesër.
Po sot 5 prokurorë të tjerë kanë aplikuar për të qenë pjesë e SPAK. Ata janë prokurori i Apelit Tiranë, Altin Dumani, prokurorja Enkeleda Osmani, prokuroja në Prokurorinë pranë Gjykatës së Shkallës Parë Tiranë, Elida Kackini (Celami). Gjithashtu ka aplikuar për të qenë pjesë e SPAK edhe Enkeleda Millonai, Prokurore ne Prokurorinë pranë Gjykatës së Shkallës Parë Elbasan. (Aktualisht me Urdhër të Prokurorisë së Përgjithshme është ne pozicionin e Drejtuesit të kësaj Prokurorie) dhe Prokurori pranë Gjykatës së Shkallës së Parë Vlorë, Maksim Sota.
Data e aplikimeve ishte fillimisht deri më 6 shkurt, por ky afat u shty deri më 21 shkurt pasi nuk kishte mjaftueshëm kandidatë.
Deri më tani për të qenë pjesë e SPAK kanë aplikuar 20 prokurorë për 15 vende. Në institucionet e reja që pritet të formohen për llogari të reformës, pritshmëria më e lartë publikë është për SPAK, strukturën e veçantë që do të hetojë dhe vendosë para përgjegjësisë politikanët dhe zyrtarët e lartë.
Prokuroria e Posaçme (SPAK) i kryen funksionet e saj në mënyrë të pavarur, nëpërmjet prokurorëve të posaçëm, të cilët emërohen nga Këshilli i Lartë i Prokurorisë.
19 prokurorët kandidatë për në SPAK:
Arben Kraja
Anton Martini
Besnik Muçi
Behar Dibra
Besim Hajdarmataj
Dritan Prençi
Dolorez Musabelliu
Donika Prela
Eneid Nakuçi
Edvin Kondili
Eugen Beci
Klodian Braho
Shkëlzen Cena
Vladimir Mara
Fatmir Hoxhaj
Altin Dumani
Enkeleda Osmani
Elida Kackini (Celami)
Enkeleda Millonai
Maksim Sota
