Policia e Tiranës ka shpallur në kërkim si autor të dyshuar 33-vjeçarin Dervis Arapi, për vrasjen e 26-vjeçarit Jurgen Kurti pranë banesës së tij në kryeqytet.
Dervis Arapi është djali i tregtarit Agim Arapi i vrarë në prill të 2017, ku i dyshuar ishte dhe Jurgen Kurti.
Pas këtij lajmi në një intervistë telefonike për “RTV Ora” Dervis Arapi thotë se është gati të vihet në dispozicion të policisë, por se nuk ka lidhje me vrasjen e ndodhur më 18 mars 2019.
Arapi thotë se ndodhet në Itali dhe ka mësuar vrasjen e Jurgenit përmes rrjeteve sociale.
“Unë nuk kam asnjë lidhje me vrasjen e Jurgen Kurtit. Nuk kam pasur kurrë ndërmend të hakmerresha për vrasjen e babait tim. Unë jam besimtar dhe gjithçka ia lë në dorë Zotit. Unë jam i gatshëm të vihem në funksion të policisë”.
