Një person i dënuar me 10 vjet e 6 muaj burg, është arrestuar nga policia e Elbasanit.
Në pranga ka rënë 45-vjeçari Shpëtim Pepa.
Ky i fundit ishte në kërkim nga drejtësia italiane, për veprën penale “Trafik të lëndëve narkotike”.
Pas arrestimi, ai pritet të ekstradohet drejt Italisë, për të vuajtur dënimin.
Njoftimi i policisë
Elbasan
Vijon puna për kapjen e persona të shpallur në kërkim ndërkombëtar.
Arrestohet një shtetas shqiptar me qëllim ekstradimi drejt Italisë.
Specialistët për Hetimin e Narkotikëve në Drejtorinë Vendore të Policisë Elbasan në bashkëpunim me Interpol Tirana pas një pune të mirë organizuar, lokalizuan, kapën dhe arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar:
- Shpëtim Pepa, 45 vjeç, banues në fshatin Gradishtë, Belsh.
Kapja dhe ndalimi i tij u bë pasi Gjykata e Florences/ Itali, e ka dënuar me 10 vjet e 6 muaj burg, për veprën penale “Trafikimi i lëndëve narkotike”.
Veprimet e mëtejshme për këtë shtetas do të kryhen nga Zyra e Interpolit Tiranë.
