Kreu i Partisë Demokratike, Lulzim Basha ka thënë në foltoren e Kuvendit se Shqipëria ka korrupsionin më të lartë në Europë dhe ndiqet nga pas vetëm nga Zambia dhe Mozamniku, teksa i ka mbështetur të dhënat edhe me një grafik që tregoi. Ai citoi raportin e “World Justice Project” dhe shtoi se me këtë nivel korrupsioni, Shqipëria mund të hapë negociatat me Unionin Afrikan, pas nuk Bruksel nuk e pranon askush.
Basha vuri në dukje se nën Edi Ramën Shqipëria nuk është thjesht një shtet i korruptuar, por një shtet i kapur nga korrupsioni.
“Dhe kur vjen fjala te korrupsioni, një nga faktorët e matur nga “World Justice Project”, Shqipëria e drejtuar nga ju mban vendin e 105-të në botë, pra jo vetëm korrupsionin më të lartë në Europë dhe rajon, por na keni renditur pas Beninit, Egjiptit, që mbajnë vendin e 103-të dhe të 104 dhe ndiqemi nga Zambia dhe Mozambiku, të 106-tët dhe 107-tët.
Shikoni, është i vetmi europian në listë. Ky është pozicioni në të cilin meriton të jetë Shqipëria? Fryhet lartë e poshtë ekraneve, duke nanuritur se po bën shtet. Ky është shteti që ke bërë? Me këtë nivel korrupsioni, mund të hapësh negociatat me Unionin Afrikan, se në Bruksel, të 105-tët në botë për, nuk na pranon njëri”, tha Basha.
