Situata politike mesa duket nuk është duket sjellë probleme jo vetëm në politikë dhe çështjet e shtetit, por edhe në fusha të tjera, siç është ajo e krimit. Kjo ka qenë fjala i gazetarit investigativ, Artan Hoxha në Report TV, i cili ndan mendimin se krimi është duke përfituar nga gjithë situata e krijuar për të larë hesapet.
Në këtë përfundim Hoxha ka dalë pasi në vetëm katër ditë, tre persona janë ekzekutuar si pasojë e atentateve, nga të cilat dy kanë ndodhur në Tiranë, ajo e Haxhi Baçinozit pranë Liqenit Artificial dhe ajo e Jurgen Kurtit, pranë shkollës “Petro Nini”, ndërsa vrasja e tretë ka ndodhur ditën e sotme në Shkodër ku është ekzekutuar Ferdinan Polia.
Sipas tij protestat, gjendja e krijuar, autoriteti i shtetit i tronditur, sjellin që policia të jetë e shpërqëndruar dhe e fokusuar në të tjera drejtime dhe kjo sigurisht që favorizon krimin, i cili fillon lanë hesapet.
“Jemi në një klima politike me një tension të madh, nesër ka protestë, policia nuk ka kohë të merret me bandat dhe hetimet, por do të shkojë të ruajë godinat qeveritare. Në një situatë të tillë, kur autoriteti i shtetit është i tronditur dhe agjencitë nën trysni, atëherë krimi merr zemër dhe fillon e lanë hesapet.
Kur gjithë shoqëria dhe agjencitë janë në krye të detyrës këto ngjarje ka më pak shanse që të ndodhin. Jurgen Kurti, apo Baxhinozi pse nuk u vranë më parë? Ka një rënie të autoritetit të shtetit, ka një kaos për shkak të situatës politike është kohë e artë për të goditur” tha ai.
