Komisioneri për Mbrojtjen nga Diskriminimi, Robert Gajda, ka reaguar pas debatit në rrjetet sociale të nisur nga komuniteti LGBTI për ndryshimin e fjalës ‘nënë’ me fjalën ‘prindi 1’. Gajda i ka konsideruar sulmet ndaj tyre si të papranueshme dhe ka kërkuar që të merren masa.
Reagimi i plotë:
Komisioneri për Mbrojtjen nga Diskriminimi Robert Gajda, po ndjek me vëmendje debatin publik në lidhje me të drejtat dhe kërkesat për të drejta të Komunitetit LGBTI. Komisioneri vlerëson se çdokush ka të drejtë të pretendojë të drejtat dhe çdokush ka të drejtë të debatojë dhe të mendojë kundër.
Konsiderohet e prapranueshme gjuha e përdorur në formën e denigrimit, stereotipizimit negativ apo stigmatizimit kundrejt komunitetit LGBTI dhe kundrejt çdo komuniteti tjetër nê shoqëri.
Debati duhet te kryhet me argumenta dhe arsye dhe duhet te shmanget çdo formë përçmimi që përforcon diskriminimin kundrejt grupeve shoqërore. Shqetësuese është përhapja në mediat sociale dhe online e komenteve që nxisin dhunën, urrejtjen dhe krimet e urrejtjes, mbi opinionet e personave publikë.
Komisioneri i kërkon mediave on line dhe personave publike qe te heqin komentet me përmbajtje urrejtje dhe që nxisin dhunë.
Gjithashtu, qytetarët të denoncojnë si dhe të raportojnë në mekanizmat që rrjetet sociale kanë për eliminimin e gjuhës së urrejtjes. Komisioneri për Mbrojtjen nga Diskriminimi garanton të gjithë qytetarët se do të ushtrojë të gjitha mekanizmat për të mbrojtur të drejtat e Njeriu.
Një debat ka nisur në rrjetet sociale pas kërkesës që organizatat LGBTQI kanë bërë në Francë për të zëvendësuar fjalën “nënë” me “prindi 1”. Në Shqipëri kërkesa shihet si një përpjekje për të deformuar familjen, ndërkohë që mbështetësit e grupit thonë se ky është një hap më tej drejt barazisë dhe trajtimit njësoj të fëmijëve të këtij grupi.
