Një ngjarje jo e këndshme është regjistruar së fundmi në një seancë dëgjimore për sindikatat në Komisionin e Senatit për Shëndetin, Arsimin, Punët dhe Pensionet në SHBA. Senatori republikan, Markwayne Mullin nga Oklahoma e ftoi presidentin e Teamsters, Sean O’Brien në një përleshje fizike.
Sean O’Brien, kreu i një prej sindikatave më të mëdha dhe më me ndikim të vendit, në një postimet e tij në rrjetin social “X” e kishte quajtur Mullin një CEO lakmitar, kloun dhe një mashtrues.
Kjo duket se ka ndezur debatin në këtë seancë të senatit. Mullin mori fjalën ai iu referua pikërisht këtij postimi i O’Brien.
“Ju më quajtët “CEO lakmitar”, një “klloun” dhe një “mashtrues. Ti e di ku të më gjesh. Në çdo kohë, në çdo vend, kauboj.” Zotëri, kjo është një kohë. Ky është një vend”, tha Mullin, duke e ftuar kreun e sindikatës në një përballje fizike. O’Brien nuk hezitoi të përgjigjej: “Në rregull, është mirë. Perfekt.”
Nga pamjet duket se të dy ishin gati të konfrontoheshin fizikisht, derisa ndërhyri Bernie Sanders, kryetari i komitetit.
“Ndalojeni. Ju jeni një senator i Shteteve të Bashkuara. Kjo është një seancë dëgjimore. Dhe Zoti e di që populli amerikan ka mjaft përbuzje për Kongresin. Le të mos e përkeqësojmë atë”, tha Sanders.
Senatori republikan dhe lideri i punës vazhduan bisedimet e tyre verbale gjatë disa minutave të mbetura të marrjes në pyetje të Mullin. Dukej se të dy ranë dakord të takoheshin për kafe, por situata u zhvendos sërish.
Pas seancës, Mullin u tha gazetarëve se konfrontimi nuk ishte personal. “Ai thjesht më sfidoi dhe unë e pranova sfidën”, tha republikani.
@msnbc Senator Markwayne Mullin challenged Teamsters President Sean O’Brien to a fight during a hearing of the Senate Committee on Health, Education, Labor and Pensions. Senator Bernie Sanders attempted to cool things down.
