Izraeli ka vendosur të hapë vendkalimin Kerem Shalom për lejimin e hyrjes së ndihmës humanitare në Gazë, në një hap të dytë pas hapjes së kalimit Rafah që lidh Gazën me Egjiptin. Vendimi është miratuar nga kabineti izraelit të premten dhe është vlerësuar si një hap i rëndësishëm nga këshilltari amerikan për sigurinë kombëtare, Jake Sullivan, i cili ka përfunduar një vizitë në Izrael.
Kalimi Kerem Shalom ndodhet në cepin jugor të Gazës, në kufirin e saj me Izraelin dhe Egjiptin, dhe ishte mbyllur pas sulmit të Hamasit dhe reagimit ushtarak të Izraelit më 7 tetor. Hapja e këtij kalimi lejon Izraelin të mbajë zotimet për hyrjen e 200 kamionëve me ndihma në ditë për Gazën, sipas një marrëveshjeje të arritur muajin e kaluar. Në krahasim, kalimi Rafah me Egjiptin mundëson hyrjen e vetëm 100 kamionëve në ditë, sipas informacioneve të Zyres së kryeministrit izraelit Benjamin Netanyahu.
