Shkodra është tronditur nga humbja e legjendës së futbollit shqiptar, Sabah Bizi, i cili ka ndërruar jetë në moshën 79-vjeçare.
Bizi, i njohur si “Nderi i Kombit,” la pas një karrierë të shkëlqyer me ekipet e Vllaznisë dhe Flamurtarit, duke fituar tituj kampionë dhe kupa.
Ai filloi karrierën e tij të futbollit në moshën 17-vjeçare dhe shpejt u shndërrua në një nga figurat kryesore të kombëtares shqiptare.
Një nga momentet më të paharrueshme të karrierës së tij ishte përballja e vitit 1967 me Gjermaninë, ku Bizi, i shtruar në spital, u rikthye në fushë për të luajtur dhe mbajtur në barazim 0-0 ekipin gjerman, duke u përballur me legjendën Franz Beckenbauer.
Pas mbylljes së karrierës si lojtar, Sabah Bizi vazhdoi të kontribuonte në futboll si trajner, fillimisht me ekipin e Veleçikut të Koplikut dhe më pas me Vllazninë, ku mbajti pozita të rëndësishme si trajner dhe sekretar klubi. Ai gjithashtu u angazhua për shumë vite si trajner i moshave.
