Ndalohet trageti që tentoi të fuste mbetje të rrezikshme në Shqipëri, arrestohen 6 persona

Google+ Pinterest LinkedIn Tumblr +

Një traget me mbetje të rrezikshme që vinte nga Italia është ndaluar mbrëmjen e sotme në portin e Vlorës dhe në pranga kanë rënë 6 persona.

Policia kishte marrë informacione në rrugë operative se me një traget që ishte nisur nga Brindisi po transportohej një sasi e konsiderueshme me mbetje të rrezikshme për shëndetin e njeriut dhe ambientin, me qëllim për t’i depozituar në Shqipëri.

Kështu, u organizua operacioni, nëpërmjet të cilit u bë i mundur kapja në flagrancë e 6 shtetasve me iniciale si më poshtë:

K. Xh., 65 vjeç, banues në Vlorë

A. Ç., 28 vjeç, banues në Vlorë

A. G., 48 vjeç, banues në Vlorë

F. T., 71 vjeç, banues në Vlorë

E. Ç., 55 vjeçe, banuese në Vlorë

Z. K., 45 vjeç, banues në Vlorë

Gjatë kontrolleve të kryera blutë kanë gjetur në pjesën fundore të tragetit një sasi të papërcaktuar mbetjesh të ndaluara e të dyshuara të rrezikshme për të hyrë në Republikën e Shqipërisë, por nuk bëhet me dije se për çfarë bëhet fjalë konkretisht.

Nga ana e policisë u kryen veprimet procedurale ku në cilësinë e provës materiale, u sekuestrua trageti si dhe sasia e mbetjeve, të cilat nuk u lejuan të dilnin nga ambienti i tragetit.

Materialet procedurale u referuan në Prokurorinë pranë Gjykatës së Shkallës Parë Vlorë, për veprën penale “Kontrabanda me mallra të ndaluara”, “Menaxhimi i mbetjeve” dhe “Transportimi i mbetjeve”.

Shpërndaje
Share.

Komento