Ndalohet nga policia shqiptare veterani i UÇK-së, pas një fletë-arresti në Interpol nga Serbia

Google+ Pinterest LinkedIn Tumblr +

Veterani i ish-Ushtrisë Çlirimtare të Kosovës, Murtez Kastrati nga Lipjani, është ndaluar ditën e sotme  nga policia e Shqipërisë. Ky lajm është bërë i ditur nga Kryetari i Veteranëve të Luftës së UÇK-së Hysni Gucati.

Gucati shkruan se nga burimet që ka marrë, Serbia këto ditë ka formuluar një listë të re me emrat e ish-pjesëtarëve të UÇK-së.Dhe ndalimi i Kastratit  ka ardhur  për shkak të një fletarresti nga Interpoli.

Gucati u ka bërë apel bashkluftëtarëve që këto ditë mos të lëvizin dhe të mos dalin në shtetet tjera, ndërsa shtetit shqiptar i ka bërë thirrje ta lirojë sa me parë Murtez Kastratin dhe të mos i marrë parasysh asnjëherë veprimet dhe listat e dërguara në Interpol nga Serbia.

“Veterani i UÇK-së Murtez Kastrati nga Lipjani sot është ndaluar nga policia e Shqipërisë pasi që shteti Serb ka dërguar emrin e tij dhe shume ish pjesëtarëve të UÇK-së në Interpol, nga burimet që kemi marrë Serbia këto ditë ka bërë një listë të re me emra të ish pjesëtarëve të UÇK-së, ju bëjmë apel bashkëluftëtarëve që këto ditë mos të lëvizin dhe të mos dalin në shtetet tjera, Shteti i Shqipërisë duhet sa me parë ta liroje Murtez Kastratin dhe të mos i marrë parasysh asnjëherë veprimet dhe listat e dërguar në Interpol nga Serbia, deri sa do të vazhdojnë kështu duke u maltretuar në këtë formë njerëzit që dhanë çdo gjë që ne sot ta kemi shtetin, veteranët ende nuk janë në gjendje të lëvizin të lirë, Qeveria e Kosovës sa me parë duhet të marrë masa në këtë drejtim dhe të mos kemi më raste të tilla!”- është shprehur Gucati.

Shpërndaje
Share.

Komento