Pas vendimit të Bankës Qendrore të Kosovës për mospërdorimin në treg të dinarit serb, vjen reagimi nga pensionistët serbë, të cilët do të mbajnë sot një protestë në orën 12:00 në veri të Mitrovicës.
Thirrja për këtë protestë është bërë publike nga Lista Serbe përmes rrjetit social Facebook.
Zëvendësdrejtori i policisë për rajonin e veriut, Veton Elshani, ka konfirmuar se autoritetet kanë marrë informacione lidhur me këtë protestë dhe janë të përgatitur për ta monitoruar atë.
Kjo protestë vjen vetëm një ditë pas grafiteve ku shkruhej: “Kur të kthehet ushtria në Kosovë, Brigada e Veriut jeton”, të realiziuara në konumat veriore në Kosovë me shumicë serbe.
Kryeministri i Kosovës, Albin Kurti, në një adresim për komunitetin serb të Kosovës ka sqaruar se vendimi i Bankës Qendrore të Kosovës nuk pengon Serbinë për të ndihmuar komunitetin e tyre, dhe se Kosova nuk e ka ndaluar përdorimin e dinarit, as edhe të ndonjë valute tjetër.
