Futbollisti Amir Rrahmani i cili luan me Napolin u duk se nuk pati paraqitjen e tij më të mirë ndaj Udinese, por gjithçka u rregullua nê ndeshjen e radhës. Amir Rrahmani ia shpërbleu këtë herë trajnerit Gattusso duke dhuruar një paraqitje të mirë në ndeshjen e Kupës ndaj Empolit në fitoren 3-2 të napolitanëve.
Menjëherë pasi ndeshja mbaroi dhe dhe fitorja i dha Napolit biletën për në çerekfinale foli vetë kapiteni i Kosovës. Rrahmani tregoi objektivin në Serie A.
“Ndeshjet e Kupës janë të vështira, të gjithë duan të kualifikohen, por ne luajtëm një ndeshje të shkëlqyer kundër një kundërshtari me vlerë. Gattusso na tha se ishte e rëndësishme të kalonim më tej. Tani na pret një kundërshtar i fortë.
Përpiqemi të bëjmë punën tonë dhe të ecim përpara, në Serie A dhe në Kupë. Qëllimi ynë është të përfundojmë në top 4, pastaj nuk i dihet kurrë”, u shpreh Rrahmani pas ndeshjes së mbrëmshme.
Rrahmani në janar u bë zyrtarisht lojtar i Napolit, por do të mbetet i huazuar deri në verë te Verona. Kontrata e tij është pesë vjeçare. Mbrojtësi i Kombëtares së Kosovës, Rrahmani ishte blerë verën e kaluar nga Dinamo Zagreb, duke u dëshmuar si një lojtar i nivelit të lartë me fanellën e Hellas Veronës.
