Aktori i njohur Ervin Bejleri është shoqëruar nga Policia në përfundim të protestë së djeshme pasi akuzohet se në protestën e së dielës ka sharë dhe ofenduar efektivët.
Ditën e sotme i ftuar në “Syri Tv”, aktori ka flour për prishjen e Teatrit Kombëtar ku është shprehur se disa prej kolegëve të tij, u është drejtuar automatiku në kokë për t’u nxjerrë jashtë nga godina.
“Kolegëve u është vënë shkelmi në kokë, u është drejtuar automatiku dhe janë sharë me fjalët me makabre. Shqipëria e ka pasur gjithmonë lakun në fyt për bukë dhe për ekzistencë. Mund t’i kuptoj shumë njerëz që dalin kundra për atë bukë. Por është shumë e zorshme edhe falja ime, se edhe unë kam fëmijë. Por dinjiteti. Mos të thotë Lleshaj që tek çdo efektiv do shihni fytyrën time. Jo çdo oficer policie jeton në luks siç jeton ministri,”-tha aktori.
Gjithashtu Bejleri ka komentuar edhe momentin e prishjes së godinës, ku theksoi edhe orën që fadroma goditi Teatrin, duke thënë se në të njëjtën orë u sulmua dhe Osama Bin Laden.
“Kam shkuar për 300 metra. Kur pashë pluhrin mu prenë krahët, nuk kisha më forcë. Është një tekë e një njeriu që nuk është normal. në orën 4.30 është ora kur njeriu është më i çarmatosur. Në të njëjtën orë u sulmua dhe Osama Bin Laden. Mazniku tha që ishte një i vdekur që duhej varrosur. Pse nuk u la të bëhej xhenazja. Aktorët që ishin pro? Vetëm ai lart e di dhe i gjykon. Është shumë e vështirë ta heqësh lakun nga fyti,”-shtoi ai.
Gjatë orëve të para të mëngjesit të së dielës u shemb godina e Teatrit Kombëtar, ku pati përplasje të njëpasnjëshme gjatë ditës mes Policisë dhe protestuesëve. Në Polici janë shoqëruar dhjetëra aktivistë, aktorë e figura të opozitës, teksa kjo e fundit ka paralajmëruar për aksion opozitar.
Dje në 16:30 nisi protesta mbarëkombëtare e thirrur nga Alenca për Mbrojtjen e Teatrit ndërsa Policia gjatë gjithë ditës së sotme është përgatitur dhe ka blinduar me efektivë të gjithë zonën, ku do zhvillohet protesta. Lleshaj paradite zhvilloi një takim me drejtuesit e Policisë ku ka dhënë urdhër që të jenë mbi 1000 efektivë në protestë.
Ajo zgjati 2 orë e gjysmë, teksa do riktheht të mërkurën në 17:30.
