Kryeministri Edi Rama është duke marrë pjesë në konferencën vjetore “State of Union” që po mbahet në Firence. Gjatë fjalës së tij kryeministri ka deklaruar se vlerësimi i Komisionit Europian për progresin e Shqipërisë është i mbështetur në fakte. Ai u shpreh se reformat duhen bërë për të mirën e vendit dhe jo sepse kërkohen në Bruksel apo Paris. Sipas Ramës, vendimet e Këshillit të Europës nuk lidhen vetëm me atë çka bërë Shqipëria, por edhe me atë për të cilën ka nevojë Këshilli.
‘”Vlerësojmë se kush është burimi më i kualifikuar për të folur objektivisht për reformat, rezultatet tona. Askush, skund në Europë nuk është më i mirë se sa Komisioni Europian për të dhënë objektivisht mbështetur në fakte, mbështetur në monitorim rigoroz, për të thënë se ku jemi. Kemi mësuar në mënyrën më të vështirë se pavarësisht gjithçkaje ka dy nivele vlerësimi, njëri më teknik, pra komisioni që ka një delegacion të tërë që ndjek 24 orë në ditë, 7 ditë të javës gjithë ecurinë. Më pas niveli më politik, më subjektiv, ngecemi. Në rregull e kuptojmë. E rëndësishme të vijojmë të bëjmë atë që po bëjmë. Nuk duhet se duhet ta bëjmë se njerëzit në Bruksel apo Paris, duhet ta bëjmë për fëmijët, këto reforma janë në të mirë të vendit.
Kemi nevojë të zhvillojmë për brezin e ardhshëm. Na duhet durim derisa vlerësimi të bëhet edhe në nivelin vendimmarrës të Këshillit. E dimë mirë që vendimet janë edhe më influencuese. Nuk lidhet vetëm me atë çka ti bën, por është edhe për atë që ata kanë nevojë.
Në rregull s’ka problem, e dimë se çfarë është e rëndësishme, nuk kemi shumë fuqi për të ndryshuar gjëra. Nëse një vend ka zgjedhje, një tjetër ka problem për debat politkk për emigrantët, apo një vend do zgjerimin. Ti bësh të gjithë bashkë një zëri për hapin tjetër është gjithmonë e më e vështirë”, deklaroi Rama.
