Mutacioni anglez i koronavirusit ka mbërritur edhe në Itali. Një vatër me 10% të popullsisë të infektuar është zbuluar në Corzano, në rajonin e Brescias në Lombardi. Nga 1400 banorë që ka gjithsej në Corzano 139 anë rezultuar pozitive ditët e fundit nga tamponi dhe 189 persona (fëmijë, prindër, gjyshër, familje të tëra) janë në karantinë.
Nga përgjigjia e testeve u zbulua prezenca e virusit anglez në rajon dhe u lokalizua vtra e epidemisë në Corzano mes 120 fëmijëve në shkollën fillore dhe në kopsht. Përgjigjia i është dorëzuar dje Agjencisë së Shëndetit në Brescia nga laboratorët e spitalit civil.
“Më 24 janar, 24 persona në stafin e shkollës dhe nxënës kanë rezultuar pozitivë për tamponin molekular – informon një deklaratë e lëshuar nga Ats. Për shkak të numrit të lartë pozitiv nga totali i përgjithshëm shkollor, Ats Brescia ka vendosur të kryejë tamponët tek 189 kontakte të ngushta të rasteve pozitive.
Nga këto 189 persona, 139 rezultuan pozitiv, por vetëm një u shtrua në spital, të tjetër nuk kanë pasur simptoma.”, thanë autoritetet.
Në Itali janë regjistruar gjithsej më shumë se 2 milionë e 500 mijë raste që nga fillimi i pandemisë. Nga këta janë rikuperuar mbi 2 milionë persona, ndërsa rastet active janë më shumë se 434 mijë. Më shumë se 89 mijë persona kanë humbur jetën.
