Rektori i Universitetit të Mjekësisë, Arben Gjata ka paralajmëruar se variantet e reja të viruseve prekim më tepër moshat e reja.
Në një intervistë të dhënë për “Euronews”, Gjata tha se rritja e të infektuarve ishte e pritshme dhe se ky mund të ishte tregues për praninë e mutacioneve të reja të COVID.
“Nëse do jetë e nevojshme, në strategjinë që ka bërë Ministria e Shëndetësisë, parashikon dhe hapjen e gjithë spitaleve publike në vend, bashkiake dhe rajonale për të përballuar situatën e COVID,” – tregoi Gjata teksa vuri në dukje se ajo çfarë ka rëndësi për momentin është që sistemi shëndetësor të mos kalojë një kolaps. Nga të dhënat që kam situata në spitale është akoma një situatë që mund të përballojë këtë fluks pacientësh por të shpresojmë që të ulet sa më parë,”, tha ai.
Sipas Gjatës dyshimet për një variant britanik që po qarkullon në vendin tonë janë të bazuara dhe te kontaktet që ka pasur Shqipëria me Britaninë, duke qenë se lëvizja nuk është bllokuar.
Ai gjithashtu fajësoi qytetarët që nuk kanë rrespektuar masat mbrojtëse dhe autoritetet që nuk kanë bërë monitorimet e duhurua.
Kujtojmë se gjatë ditëve të fundit vendi ka arritur në shifra rekord infektimesh, duke e kaluar 1000 të infektuar në vetëm në 24 orë.
Dje Komiteti Teknik vendosi dhe masat e reja të kufitizmit të orarit deri në 08:00, si kundërpërgjigje të kësaj vale të tretë.
