Aleanca për Mbrojtjen e Teatrit ka protestuar ditën e sotme përpara Bashkisë së Tiranës.
Shkak për protestën është bërë mungesa e transaparencës për procedurat e tenderit për ndërtimin e Teatrit.
Sipas Aleancës, kjo është një shkelje e rëndë ligjore, për të cilën do t’i drejtohen gjykatës.
Në reagimin e Aleancës thuhet, se bashkia ka heshtur edhe ndaj kërkesave të gazetarëve për informacion.
Aktivistët shprehen, se institucioni që menaxhon 120 milion euro, është mbyllur në bunker.
“Ka kaluar 1 muaj e gjysëm që prej skadimit të afateve për shpalljen zyrtare të fituesit të konkursit për ndërtimin e projektit famëkeq e korruptiv Fusha.Gjatë kësaj kohe, Bashkisë Tiranë, i janë drejtuar disa kërkesa për informacion, kemi dërguar ne, kanë dërguar gazetarë me kërkesa të personalizuara dhe kërkesa me logo mediatike. Asnjë përgjigje, injorim total, çensurë, terr informativ. Institucioni që menaxhon 120 milion euro, është mbyllur në bunker, ka marrë peng funksione zyrtare, informacionin publik, asgjë nuk kalon nëpër protokolle, asnjë nuk guxon të flasë, gjendje lufte”, thuhet ndër të tjera në komunikatën e Aleancës.
