Pas gjithçkaje që po thuhet për reperen e njohur Loredana Zefi, partneri i saj dhe vetë ajo po qëndron në heshtje, mirëpo vëllai i Mozzik, Getinjo, jo.
Së fundmi këngëtari ka reaguar përmes një postimi në Insta Story ku ndër të tjera shkruan se askush nuk do arrijë që t’i ndalë dhe t’i shohë të shkatërruar:
“Njeri është i fortë, krejt i përballon, fyerjet e njerëzve, paragjykimet e njerëzve, po, po, krejt i përballon njeri. Bravo për kët planprogram, na keni godit fort, ja keni arrit! Por kurrë s’keni me arrit me na nal, kurrë s’keni me arrit me na pa të shkatërruar, kurrë. Ju don xhaxhi Get shumë! Ju pafsha bash qaty ku doni mem pa.”
Për ata që nuk arrijnë të bëjnë dot lidhjen e asaj çka po ndodh, rikujtojmë se Loredana është arrestuar mbrëmjen e së martës nga autoritetet zvicerane me akuzën se ka kanosur dhe mashtruar një çift zviceran duke i zhvatur rreth një milion franga së bashku me vëllanë e saj.
Ndërkohë pas disa orësh ajo u lirua, mirëpo aludimet dhe reagimet kanë vërshuar lumë.
