Ann Altman, motra e shefit ekzekutiv të OpenAI, Sam Altman, ka ngritur një padi në një gjykatë federale të SHBA-së, duke pretenduar se ai e ka abuzuar seksualisht me të në periudhën midis viteve 1997 dhe 2006.
Padia, e ngritur më 6 janar në Gjykatën e Qarkut të SHBA në Distriktin Lindor të Misurit, thotë se abuzimi filloi kur ajo ishte 3 vjeç dhe Sam Altman ishte 12 vjeç.
Në një deklaratë të përbashkët me nënën dhe dy vëllezërit, Sam Altman mohoi akuzat, duke i quajtur ato “krejtësisht të pavërteta” dhe duke shtuar se situata ka shkaktuar “dhimbje të pamasë” për familjen.
Padia kërkon një gjykim të jurisë dhe një dëmshpërblim prej mbi 75,000 dollarë. Përveç kësaj, Ann Altman ka bërë akuza të ngjashme më parë nëpërmjet mediave sociale.
Sam Altman është një figurë kyçe në botën e teknologjisë, pasi është drejtues i OpenAI, që ka lançuar chatbotin e njohur, ChatGPT, në fund të vitit 2022.
