Në Komisiaratin e Policisë Sarandë ka ardhur një denoncim nga një 27-vjeçare e cila shprehet se vëllai i saj Fatjon Doda, i moshës 22-vjeçare kishte humbur.
Një 22-vjeçar nga fshati Shëndëlli, Bashkia Konispol është denoncuar i zhdukur 2 ditë më parë në Komisariatin e Policisë Sarandë nga motra e tij. 27-vjeccarja M. Gj. ka denoncuar se më 14 dhjetor vëllai saj Fatjon Doda, 22 vjeç, është larguar nga banesa dhe prej asaj dite nuk ka asnjë informacion prej tij.
Ndërkohë që Policia e Sarandës ka nisur hetimet për zhdukjen e 22-vjeçarit Fatjon Doda, ndërsa dyshohet se ai kishte precedentë penalë..
Një ndër pistat ku hetohet është ajo e përfshirjes së të riut në trafikun tokësor ose detar të drogës drejt Greqisë dhe ndonjë arrestim i mundshëm i tij nga pala greke ose zhdukje në rrethana të paqartë.
Gjithashtu materialet i kaluan Prokurorisë, për veprime të mëtejshme.
NJOFTIMI I POLICISË SË SHTETIT:
Një ditë më parë Policia e Vlorës bëri me dije se më datë 12.01.2022, shtetasja M. Gj., 27 vjeçe, banuese në Shëndëlli, bashkia Konispol, ka kallëzuar se më datë 14.12.2021, është larguar nga banesa, vëllai i saj, shtetasi F. D., 22 vjeç dhe se po punohet për gjetjen e tij.
Materialet i kaluan Prokurorisë, për veprime të mëtejshme.
