Një aksident i rëndë ka në Berat ditën e sotme, ku një 32-vjeçar ka pësuar dëmtime të rënda, pas përplasjes së motomjetit që ai drejtonte me një makinë tip “Volvo”. Ngjarja ka ndodhur pak më parë në rreth-rrotullimin në afërsi të Urës së Goricës në Berat.
Mësohet se 32-vjeçari Erjon Gjeçi po shpërndante pica në qyetet, kur ka rrëshkitur dhe është përplasur me një makinë që ishte përpara tij në rrugë.
Ai është goditur në asfaltin e rrugës dhe ka marrë plagë të rënda në kokë dhe në trup. 32-vjeçari është transportuar drejt spitalit të Beratit, ndërsa bëhet me dije se është në gjendje të rëndë. Ndër të tjera, mësohet se ai kishte dalë vetëm pak ditë më parë nga spitali, pasi kishte kryer një operacion.
Forcat e policisë rrugore kanë shkruar në vendin e ngjarjes për të zbardhur rrethanat në të cilat aksidenti i rëndë ka ndodhur. Ndërkohë, është shoqëruar në komisariat drejtuesi i mjetit tip “Volvo”, 24-vjeçari Geri Sulkaj, i cili pritet të japë deklaratën e tij.
Paraprakisht dyshohet se shkak për aksidentin e rëndë është bërë shpejtësia e madhe e motorit, i cili ka rrëshkitur edhe për shkak të lagështirës dhe është përplasur me forcë më makinën.
