“Erdhëm, vodhëm, ikëm” kjo është motoja e qeverisë sipas Berishës. Nga foltorja e Kuvendit ish-kryeministri Sali Berisha tha se ktë moto e tregon më së miri arratisja e Arben Ahmetajt pa u përballur me drejtësinë. Berisha shtoi se Rama foli 16 minuta dhe nuk u tha asnjë fjalë për arratinë e Ahmetajt.
“Numri dy i qeverisë u arratis. Djegësat, janë afera më e madhe korruptive e shekullit. Në këtë aferë qeveria shqiptare është dëshmuar si organizatë kriminale. Në këtë aferë ka një propagandë për të folur për Mërtirin e Zoton, por këto emra mbrojnë autorët e vërtetë të aferës. Rama për ndërmarrjen e tij dhe jo të Zotos mblodhi 12 ministra, por ashtu mblodhën firmat, në kundërshtime me ligjin. Unë e kuptoj se Bushkën e lidh me inceneratorët kjo gjë, por shumica s’keni lidhje. Pse nuk pranoni që të mos jetë Rama këtu?! Nuk e kemi me ata që janë të implikuar. E dini ju se ça ka bërë Gjiknuri. Ja pse e kërkojmë ne mocionin. Të gjithë këta këtu kanë aksionet e tyre në ndërmarrjen e tyre, të djegësve. Rama foli 16 minuta, por nuk tha asnjë fjalë për arratinë e Ahmetajt. Kjo është një nga veprat më kriminale të tyre dhe drejtësinë duhet ta bëni ju me protesta. Këta motoja; ‘erdhëm, vodhëm, ikëm’, tha Berisha.
