E mërkura e ka gjetur Shqipërinë me një mot të keq, i cili ka shkaktuar probleme në qarkullim në disa qytete të vendit madje edhe në disa zona janë shkaktuar përmbytje dhe ndërprerje të rrymës elektrike.
Lidhur me këtë situatë të ndërlikuar në të gjithë vendin ka reaguar kryeministri i vendit Edi Rama, i cili ka siguruar qytetarët se të gjitha strukturat shtetërore përgjegjëse për këtë situatë janë në terren për të kthyer situatën në normalitet.
“Të gjitha strukturat shtetërore në terren për të siguruar kthimin në normalitet. Drejtuesit e automjeteve të evitojnë lëvizjet e panevojshme dhe të respektojnë me përpikmëri rregullat e qarkullimit rrugor”, shkruan Rama nga faqja e tij zyrtare në Facebook.
