Situata në akset Qafë-Thanë, Libonik-Rëmbec-Plasë, Korçë-Ersekë dhe Zëmblak-Goricë është monitoruar me kujdes që nga ora 6:00 të mëngjesit.
Shërbimi për largimin e dëborës dhe kriposjen ka vijuar pa ndërprerje gjatë natës dhe do të vazhdojë edhe gjatë ditës.
Autoriteti Rrugor dhe Policia e Qarkullimit Rrugor po mbajnë një monitorim të vazhdueshëm të këtyre segmenteve.
Drejtuesit e mjeteve këshillohen të tregojnë kujdes të shtuar dhe të pajisen me goma dimërore ose zinxhirë për të udhëtuar në zona me prani dëbore, sipas udhëzimeve nga autoritetet.
Në orët e pikut, fluksi i lartë i mjeteve mund të shkaktojë ulje të ritmit të pastrimit të rrugëve, dhe kërkohet mirëkuptimi i qytetarëve për të mundësuar kalimin më të sigurt.
