Moti i keq me reshje dhe stuhi ka mbërthyer vendin tonë ditën e sotme.
Era e fortë ka shkaktuar probleme në disa prej qyteteve të vendit.
“Newsbomb” shkruan se në Gjirokastër kanë mbetur pa energji elektrike 23 fshatra.
Problematike paraqitet situata edhe në Tepelenë, ku kanë mbetur pa energji elektrike 13 fshatra.
Raportohet, se pa drita kanë mbetur edhe 3 fshatra në Përmet.
Gjithashtu probleme ka pasur edhe në qarkun e Vlorës, ku pemët e rëna nga era, kanë bllokuar aksin e Llogarasë.
Edhe lundrimi detar është pezulluar, deri në qetësimin e kushteve atmosferike.
