Kjo javë ka shënuar një ulje drastike të temperaturave në vendin tonë.
Ndërsa në Shkodër duket se qytetarët përballë neojës në rritje për ngrohje në banesat e tyre kanë gjetur disa zgjidhje.
Ata për “Fax News” shprehen se kanë marrë masat për ngrohje, qoftë me dru apo edhe me korent. Natyrisht, ka edhe prej atyre që kanë vështirësi për të siguruar ngrohjen në këto ditë dhe kanë gjetur “zgjidhje” tek batanijet…
“Ne në shtëpi i kemi marrë masat tona, e kam me kondicioner e paguaj por pa ngrohje nuk rri. Me dru, me korrent, me gjithçka. Që në pranverë me i futdrutë brenda. Druri ka temperaturë më të ëmbël. Unë me asgjë, më ka vdek gruaja. Me batanije,me 120 mijë lekë ca të bëj unë?”– kanë thënë disa prej banorëve për Faxnews.
Gjatë natës, temperaturat në qytetin e Shkodrës zbresin deri në 0 gradë, ndërsa në zonat malore janë edhe më të ulëta.
Vendi ynë është ndikuar nga masa ajrore të acarta me origjinë verilindore (siberiane) me temperatura që “mbërthyen” në vlera negative në pjesën më të madhe të territorit..
Parashikohet që java tjetër të ketë një kthesë në kushtet e motit në vend, ku priten temperature më të larta në të gjithë vendin.
