Detaje të reja janë zbuluar në lidhje me vrasjen e dyfishtë në fshatin Lalm i Vjetër në Lezhë ditën e djeshme .
Autori i dyshuar Aleksandër Përdoda, ka qëlluar fillimisht nga larg Kol Murranin dhe Preg Simonin, ndërsa më pas është afruar dhe i ka qëlluar sërish për t’u siguruar që kishin vdekur.
Sipas “Dosja.al” kjo ngjarje ishte e paralajmëruar, pasi Përdoda kishte kërcënuar banorët e fshatit të mos afroheshin tek tokat e tij.
“Mos të shoh askënd tek tokat e mia,”– mësohet të ketë thënë ai.
Tashmë 40-vjeçari është arrestuar, ndërsa vëllai i tij është shpallur në kërkim, për fshehje provash.
Kol Murrani dhe Preng Simoni u gjetën të pajetë nga djali i këtij të fundit, i cili lajmëroi më pas policinë.
