Prej 9 marsit vendi ynë është prekur nga COVID-19 dhe deri tani dy persona kanë humbur jetën dhe 89 të tjerë janë infektuar, ndërkohë qeveria ka marrë masa të forta në përpjekje për largimin dhe zbutjen e këtij virusi të rrezikshëm.
Ditën e sotme Ambasada amerikane përmes një postimi në rrjetet sociale ka dhënë një mesazh në emër të shumë organizatave ndërkombëtare që zhvillojnë aktivitetin e tyre në Shqipëri, për të sensibilizuar të gjithë qytetarët për masat e ndërmarra në kuadër të shmangies të përhapjes të Coronavirusit.
Në këtë mesazh, ndërkombëtarët shprehin mbështetjen e tyre ndaj popullit shqiptar, teksa bëjnë thirrje që njerëzit ta marrin seriozisht situatën dhe të mendojnë sikur do preken e me të njëjtin seriozitet të zbatojnë masat e këshillat.
“Ne, si bashkësi organizatash ndërkombëtare dhe partnerësh zhvillimi në Shqipëri, dëshirojmë të shprehim unitetin tonë me popullin shqiptar ndërsa bashkojmë forcat në këtë luftë. Ne jemi pranë jush për të kapërcyer këtë krizë së bashku! Ne kemi një mesazh për ju: Mos hamendësoni se nuk do të prekeni. Përgatituni sikur do të prekeni. Respektoni masat e marra, mbroni veten dhe të dashurit tuaj, mbani distancën shoqërore, qëndroni në shtëpi dhe lani duart shpesh. Ne dëshirojmë që ju të qëndroni të sigurt, të shëndetshëm dhe të mos prekeni nga Koronavirusi. Lexoni informacione të besueshme nga Organizata Botërore e Shëndetësisë – OBSH dhe Ministria e Shëndetësisë dhe kontribuoni në ndërtimin e besimit. Mbroni të prekurit dhe kujdesuni për njëri-tjetrin. Ky është një moment që kërkon solidaritet. Ndërsa shumica jonë gjendemi të sigurt në shtëpi, mirënjohja jonë më e thellë shkon për të gjithë punonjësit e shëndetësisë, policisë, autoriteteve kufitare, autoritete lokale dhe shumë nga njerëzit tanë që janë në vijën e pare të luftës, duke shpëtuar jetë dhe mundësuar funksionimin e shoqërisë. Faleminderit nga zemra! Së bashku mundemi t’a mposhtim Covid-19.#StayAtHome # QëndroniNëShtëpi.“-shkruhet në postim.
Më herët ditën e sotme kryeministri Rama me anë të një videoje live në Fcebook bëri me dije se që nga nesër në orën 05:00 qarkullimi do rihapet për ty mbyllur përsëri në orën 13:00.
“Mos na turpëroni?”, Rama tregon orarin e qarkullimit për ditën e nesërme
