Një 26-vjeçar në Fier ka rënë në prangat e policisë, pasi vodhi i maskuar një sasi parash në një biznes në pronësi të shtetasit K. S. në Patos dhe më pas u largua. Policia e identifikoi dhe arrestoi shtetasin F. G. brenda një kohe të shkurtër, ndërsa rezultoi se ai kishte qenë i dënuar për vjedhje edhe më parë. Materialet i kaluan prokurorisë së Fierit për veprime të mëtejshme hetimore.
Njoftimi i plotë i policisë:
Patos, Fier
Vodhi i maskuar një sasi parash në një biznes në Patos dhe u largua, por brenda një kohe të shkurtër, u identifikua dhe u vu në pranga nga Policia.
Shërbimet e Policisë pas marrjes së njoftimit se në lagjen “29 Marsi”, Patos, një shtetas i maskuar kishte marrë një sasi parash në dyqanin e shtetasit K. S dhe ishte larguar, menjëherë kanë shkuar në vendngjarje.
Falë reagimit në kohë dhe punës së mirëorganizuar shërbimet e Stacionit të Policisë Patos bënë të mundur identifikimin, lokalizimin dhe arrestimin e autorit të dyshuar të ngjarjes, shtetasin F. G., 26 vjeç, banues në Patos, (i dënuar me parë për vjedhje).
Materialet do i kalojnë Prokurorisë pranë Gjykatës së Shkallës së Parë Fier për veprime të mëtejshme për veprën penale “Vjedhja”.
