Agron Shehaj është deputeti i dytë më i votuar në Qarkun e Tiranës, pas kryedemokratit Lulzim Basha. Shehaj bëri fushat elektorale në një nga zonat më të vështira në kryeqytet për demokratët në Njësinë numër5 që njihet edhe si bastion i Partisë Socialiste. Nga votat preferenciale mori 13852 vota.
Me anë të një postimi në rrjetet sociale ka shkruar se i falenderonë të gjithë Ata që i besuan dhe që votuan Partinë Demokratike. Gjithashtu ai siguron qytetarët që vota e tyre për PD-në nuk është e çuar dëm pasi do të përfaqësohet denjësisht në Kuvend.
“Si çdo demokrat do dëshiroja që sot të kishim marrë mundësinë për të venë në jetë angazhimet që morëm para gjithë shqiptarëve për t’u dhënë atyre një qeveri të përgjegjshme që punon për njerëzit. Por vota juaj për Partinë Demokratike nuk është e humbur, ajo do të përfaqësohet besnikërisht dhe me kurajo në Kuvendin e Shqipërisë, që mbi të gjitha u takon shqiptarëve të thjeshtë”, shkruan ai.
Potimi i plotë
Dua t’ju falënderoj sinqerisht të gjithë ju që votuat Partinë Demokratike në Tiranë dhe veçanërisht në Njesinë 5 dhe 7, ku pata nderin të punoj bashkë me demokratët. Mbi 9 mijë vota më shumë se në vitin 2017, në këto dy njesi, janë një besim i madh për partinë tonë.
Si çdo demokrat do dëshiroja që sot të kishim marrë mundësinë për të venë në jetë angazhimet që morëm para gjithë shqiptarëve për t’u dhënë atyre një qeveri të përgjegjshme që punon për njerëzit.
Por vota juaj për Partinë Demokratike nuk është e humbur, ajo do të përfaqësohet besnikërisht dhe me kurajo në Kuvendin e Shqipërisë, që mbi të gjitha u takon shqiptarëve të thjeshtë.
U jam gjithashtu mirënjohës dhe ndihem përgjegjës ndaj të gjithë juve që shprehët besim tek unë personalisht. Do ta tregoj me punë, çdo ditë, se jam në politikë për ju dhe për t’i shërbyer me nder interesit publik. Faleminderit!
