Pas mjekut Pëllumb Pipero, një tjetër mjek ka rezutuar pozitiv me koronavirus pasi u vaksinua. Bëhet fjalë për një mjek të spitalit “Shefqet Ndroqi”, i cili i ka marrë të dyja dozat e vaksinës “Pfizer” dhe sërish ka rezultuar pozitiv me COVID-19.
Mjeku nuk ka pranuar ta bëjë të ditur emrin e tij, por mësohet se ai ka ndjerë shqetësime dhe ka shfaqur simptoma të koronaviursit vetëm pak ditë pasi kishte marrë edhe dozën e dytë të vaksinës në stadiumin “Air Albania”.
Ai ka kryer tamponin pas simptomave qe ka shfaqur dhe ka rezultuar pozitiv me Covid-19. Mjeku është karantinuar më pas në banesën e tij ku po merr edhe trajtimin e nevojshëm mjekësor.
Sipas informacioneve bëhet e diturse mjeku është vaksinuar dhe infektuar në harkun kohor të një jave.
Vaksina e “Pfizer” është e nevojshme të injektohet në dy doza në mënyrë që sistemi imunitar të krijojë antitrupat e nevojshëm për të luftuar virusin në rast se personi infektohet.
Më herët rezultoi pozitiv me koronavirus edhe mjeku Pëllumb Pipero. Ai kishte bërë vetëm dozën e parë të vaksinës dhe një javë më vonë rezultoi pozitiv. Gjatë nisjes së fazës së dytë të vaksinimit, ministrja Manastirliu bëri me dije se Pipero është në gjende të mirë shëndetësore.
