Doloreza Musabelliu është anëtarja e re e SPAK.
Kandidatura e saj u përzgjidh me shumicë votash nga Këshilli i Lartë i Prokurorisë.
Në këtë mënyrë Musabelliu fiton një mandat 9-vjeçar, pa të drejtë riemërimi.
Prokurorja pritet të bëjë sot betimin në presidencë, pasi vendimi është nisur tashmë.
Doloreza Musabelliu e ka çuar në 11 numrin e anëtarëve të SPAK.
Musabelliu ka qenë më herët prokurore e Krimeve të Rënda.
Tre javë përpara shkrirjes së kësaj strukture, ajo u komandua në Prokurorinë e Tiranës.
Kujtomë këtu se kreu i SPAK, Arben Kraja, pak ditë më parë bëri thirrje për shtim të prokurorëve, për shkak të fluksit të madh të dosjeve.
Pak më herët, pjesë e Prokurorisë së Posaçme u bënë edhe prokurorët Vladimir Mara dhe Dritan Prençi.
SPAK është një nga organet e reja të drejtësisë, i cili ka tagrin për të hetuar zyrtarë të lartë.
Që pasi filloi funksionimin, në SPAK janë dorëzuar disa padi, ku spikat ajo e koncesionit të sterilizimit.
