Një infermiere që mori dozën e dytë të vaksinës, në spitalin e Korfuzit, u paralizua nga sindroma neurologjike autoimune pa u përcaktuar akoma nëse është e lidhur me vaksinën.
“Asaj i janë paralizuar ekstremitetet e saj të poshtme menjëherë pasi mori dozën e dytë të vaksinë”, zbuloi presidenti i POEDIN Michalis Giannakos në Ope.
“Ajo ishte në shëndet të përsosur, është e sigurt që është një efekt anësor i vaksinës, 400,000 njerëz janë vaksinuar dhe nuk kishin asnjë problem, por ne themi që kjo kolege nuk kishte absolutisht asnjë problem. Unë jam plotësisht i vetëdijshëm për atë që po them. Mjekët gjithashtu thonë se është një efekt anësor i vaksinës.
Ai shtoi: “Ajo ka bërë të dyja dozat e vaksinës, dhe menjëherë pas dozës së dytë ajo kishte një ethe, kishte dhimbje torturuese, dhe u ndie e paralizuar dhe shkoi në spital.
Sindikata e infermierëve grekë deklaroi se ky është rasti i vetëm i regjistruar për vaksinën e Pfiser me pasoja kaq të rënda. Mjekët theksojnë se 20% e të vaksinuarve mund të shfaqin simptoma të lehta pas vaksinës, që përfshijnë edhe mpirje të trupit. Ndërkohë që të infektuarit nga covid-19 rrezikohen shumë më tepër të preken nga sindroma Guillan-Barre pas infektimit me virusun.
