Ushtria amerikane ka arritur të sigurojë videon kur raketa kineze Long March 5B hyri në atmosferën e Tokës për të rënë më pas në Oqeanin Indian për të mos shkaktuar asnjë dëm në zona të banuara. Raketa që shkaktoi trazim dhe ankth në miliona banorë të planetit tonë hyri në atmosferë në orët e para të mëngjesit, ku pjesë më e madhe e saj u shkatërrua nga shpejtësia e madhe.
Ajo ra në oqean, në një zonë shumë pranë Maldiveve. Prej disa ditësh shumë vende të botës kaluan në gjendje gatishmërie pasi trajektorja e pasaktë e raketës mund të godiste dhe zona të qytetëruara. Raketa Long March 5B u nis nga ishulli kinez i Hainan më 29 prill dhe transportonte modulin Tianhe, i cili kishte furnizime për ekuipazhin kinez në stacionin hapësinor.
Mediat kineze raportuan se pjesa më e madhe e raketës u shkatërrua kur hyri në atmosferën e Tokës, ndërsa mbetje të saj mendohet të kenë rënë në Oqeanin Indian, në perëndim të Maldiveve, pa shkaktuar asnjë dëm tjetër. Sipas të dhënave, pjesë të raketës hynë në atmosferë të dielën rreth orës 02:24.
Raketa Long March 5B u nis nga ishulli kinez i Hainan më 29 prill dhe transportonte modulin Tianhe, i cili kishte furnizime për ekuipazhin kinez në stacionin hapësinor.Kjo nuk është hera e parë që një raketë kineze shkakton shqetësime për banorët në Tokë. Në vitin 2020, mbeturinat nga një raketë tjetërg ranë në fshatrat në Bregun e Fildishtë, një vend i Afrikës Perëndimore, duke shkaktuar dëme strukturore. Por rrëzimi nuk rezultoi në ndonjë lëndim ose vdekje.
