Martesa 16-vjeçare e moderatores Arbana Osmani me bashkëshortin e saj, Ardit Kero, është drejt fundit. Pavarësisht se e ka mbajtur gjithmonë jashtë vëmendjes së publikut jetën e saj private, burime për “iconstyle.al” zbuluan dje për herë të parë se, çifti ka prej kohësh probleme dhe po shkojnë drejt ndarjes.
Ndërsa tashmë mësohen të tjera detaje për situatën mes dy partnerëve. Sipas burimeve për “Blitz”, moderatorja nuk jeton në të njëjtën shtëpi me bashkëshortin e saj, por në një tjetër apartament bashkë me të birin.
Gjithashtu një detaj që bie në sy është edhe mungesa e unazës që Arbana mbante në dorën e majtë.
Në fotot e fundit të publikuara në profilin e saj në Instagram, unaza nuk është më në dorën e moderatores dhe kjo dëshmon akoma më shumë ndarjen e çiftit.
Për bashkëshortin e saj dimë shumë pak dhe madje të pakta janë edhe fotot e tij që qarkullojnë në internet.
Arditi është 8 vite më i madh se Arbana dhe është financier me profesion. Ndonëse partnerja e tij ka qenë në qendër të vëmendjes duke qenë personazh publik, ai ka ditur gjithnjë t’u ruhet kamerave.
Dyshja ka edhe një djalë që quhet Jon, që këtë mars mbush 4 vjeç. Moderatorja ka ndarë herë pas here momente të ëmbla me të birin në rrjetet sociale ndërsa sa i përket partnerit, ajo ka preferuar të jetë tepër e rezervuar. /iconstyle.al/
