Ditën e sotme është bërë e ditur nga pronari i një mobilerie në Nikël të Fushë Krujës se përgjatë natës së djeshme biznesi i tij ishte goditur nga një breshëri plumbash. Myslim Karaj ka shkuar për të hapur dyqanin mëngjesin e sotëm, kur ka zbuluar se në drejtim të godinës është qëlluar me armë.
Ndërkohë që të tjera detaje kanë dalur në dritë në lidhje me sulmin me armë ndaj mobilierisë në Nikël. Myslym Karaj ushtonte aktivitetin e tij prej 20 vitesh në këtë fushë, ndërsa njihet si familje e qetë dhe pa probleme në zonë. Policia ka gjetur në vendin e ngjarjes mbi 20 gëzhoja kallashnikovi, të cilat janë shkrehur mbi fasadën e mobilerisë, raporton Ballkan Web.
Ndërkohë, gjatë dëshmisë së tij pronari i mobilierisë ka pohuar se nuk ka konflikte me askënd. “As dhe as familja e tij nuk i kemi borxh asnjë qindarkë njeriu. Nuk i kemi bërë keq askujt në jetën tonë.”, mësohet të jetë shprehur pronari i biznesit.
Po ashtu mësohet se pjesa e objektit që është gjuajtur është e pajisur me kamera sigurie të cilat janë sekuestruar nga ana e policisë, ndërsa roja i objektit ndodhej në pjesën e pasme atje ku behet prodhimi i mobileve. Ndërkohë, policia po merr pamjet nga të gjithë kamerat e sigurisë që ndodhen në zonë për të parë nëse kanë element që të ndihmojnë hetimin dhe identifikimin e autorëve të ngjarjes.
