Ndonëse Gjermania renditet e pesta në rang botëror me 43, 646 të prekur, ajo numëron 239 viktima, një numër i vogël në raport me të prekurit apo edhe në krahasim me vendet e tjera që renditen në fillim të tabelës.
Fiilimisht, u tha se mjekët vendas që nga fillimi i prekjes nga COVID-19 deri tani u kanë bërë thirrje sistematikisht njerëzve që të bëjnë tamponin, madje, u tha se sistemi gjerman mund të sigurojë “testimin në një shkallë të lartë, në mënyrë që të mund të shohin me lehtësi fillimet e epidemisë”.
Si po e ndalon Gjermania përhapjen e Coronavirusit? Mjekët po bëjnë të kundërtën e vendit tonë
Së fundmi, rreth kësaj situate ka folur edhe një mjek shqiptar që jeton në Gjermani, Redi Llubani, i cila tha se mosha mesatare e të prekurve në Gjermani është 45 vjeç dhe kjo ka ndikuar edhe në vdekshmërinë e ulët.
Në një intervistë për Abc News, mjeku tha se ky virus ka prekur kryesisht moshat e reja në Gjermani me imunitet më të fortë, të cilët e kanë përballuar.
Po ashtu, shtoi se në shtetin gjerman nuk është bllokuar lëvizja, por ka një sensibilizim shumë të madh të qytetarëve të cilët respektojnë rregullat, edhe në rrugë dhe trena ruajnë gjithnjë distancën, si edhe në supermarkete ku mbahet radhë.
Pjesë nga intervista:
Redi Llubani: Gjermania ka kaluar numrin e 44 mijë të prekurve, këto janë të dhenta e fundit. Por përqindja e vdekjeve mbetet mjaft e ulët. Nga fundi i javës tjetër do të kemi edhe pikun.
Mirela Milori: Do të jetë kurba më e lartë?
Redi Llubani: Po do të jetë kurba më e lartë dhe deri tani pacientët që janë paraqitur kane qenë moshë e re dhe nuk kanë paraqitur komplikacione. Jemi në pritje nëse ndodh një skenar i tipit italian.
Mirela Milori: Çfarë protokolli po përdoret për tu përballur situata?
Redi Llubani: Për fat të keq nuk kemi protokolle por kemi vetëm disa sugjerime
Mirela Milori: Cilat janë praktikat?
Redi Llubani: Janë kur vjen pacienti në urgjencë dhe i bëhet tamponi, pasi diagnostikohet shtrohet. Ne fillojmë me anti-biotikë. Ne jemi ndarë në grupe të ndryshme për të qenë në mbështetje të urgjencës. Ne kemi bërë tampone në masë dhe shumë testime. Për fat të mirë kemi arritur ti menaxhojmë me sukse.
Mirela Milori: Gjermania po merret si shembull deri tani për shkak të disiplinës së distancës fizike. Sa po respektohen?
Redi Llubani: E mira është këtu që ne kemi filluar që në mes të muajit shkurt që të marrim masa. Njerëzit janë sensibilizuar, edhe në rrugë dhe trena, njerëzit ruajnë gjithnjë distancës. Në supermarkete mbahet radhë. Sensibilizimi është goxha i lartë dhe kjo është shumë gjë e mirë.
Mirela Milori: Ka një debat ku është përfshirë OBSH, shtetet të ndryshme, si po kryhet testimi në Gjermani?
Redi Llubani: Tek ne testohen pacientët që paraqesin simptoma, por niveli i testimeve është shumë i lartë.
