Humbja kundër Liverpool solli ndërprerjen e kontratës së Jose Mourinho me Manchester United.
Me një deklaratë të menjëhershme, klubi i Manchester United ka bërë me dije ndërprerjen e kontratës me Mourinho duke e falenderuar atë për punën e bërë në këtë klub dhe i urojnë atij fat dhe suksese në të ardhmen.
Ata bëjnë me dije se në krye të skuadrës do vihet një udhëheqës i përkohëshëm deri në fund të këtij sezoni, pastaj do të zgjedhin dike që do jetë menaxher i tyre me kohë të plotë.
Prej kohësh midis lojtarëve dhe Jose Mourinho-s ka pasur konflikte dhe ky i fundit insistonte se do rrinte shumë gjatë në “Old Traford” por drejtuesit e shkarkuan para kohe.
Ndërkohë Manchester United rrezikon që të mos marrë pjesë në Champions League pasi renditet në vendin e 6-të.
“Klubi dëshiron të falënderojë Jose për punën e bërë tek Manchester United dhe i urojmë fat në të ardhmen. Një udhëheqës i ri do të vihet në krye të skuadrës deri në fund të këtij sezoni për të zgjedhur më pas një menaxher me kohë të plotë”,- njofton klubi anglez.