Komisioni Rregullator ka miratuar modelin e fletës së votimit për emigrantët, sipas propozimit të anëtarëve të opozitës, Helga Vukaj dhe Muharrem Çakaj.
Në këtë model, fleta do të ketë mbishkrimin “FLETË VOTIMI NGA JASHTË” dhe do të dallohet nga ajo e votuesve brenda vendit përmes dy shiritave vertikalë në një nuancë të kaltrës, të vendosur në anën e pasme, duke e bërë të lehtë identifikimin edhe kur është e palosur.
Tashmë vëmendja është te Kuvendi, ku mazhoranca dhe opozita duhet të bien dakord për tre ndryshime të rëndësishme:
• Pagesa e postës nga shteti për dërgimin e fletëve të votimit te emigrantë
• Numërimi i votave të emigrantëve nga komisionerë politikë
• Afrimi me 10 ditë i afateve zgjedhore, duke i dhënë KQZ-së më shumë kohë për të dërguar fletët e votimit me postë
