Kur do rinisin udhëtimet ajrore? Ja ç’tha ministrja Manastirliu

Google+ Pinterest LinkedIn Tumblr +

Pasi Europa u kthye në vatrën e Covid-19, të gjitha shtetet anuluan fluturimet, teksa Komisioni Europian vendosi të mbyllte kufijtë duke mos lejuar lëvizjet brenda zonës Schengen.

Mirëpo, teksa vendi ynë ka nisur hapjen totale dhe kjo është java e fundit e masave kufizuese, ende nuk dihet se çfarë do ndodhë me fluturimet, teksa siç ka theksuar qeveria ky është një vendim që merret në koncensus me vendet e tjera.

Mbrëmjen e sotme ministrja e Shëndetësisë, Ogerta Manastirliu deklaroi se në fillim të javës që vjen do të ketë lajme për hapjen e kufijve ajrorë dhe detarë.

Në një intervistë për “Real Story”, ministrja tha se në ditët e ardhshme do të përcaktohen vendet që nuk kanë barrë epidemiologjike, teksa shtoi se asnjë vend europian nuk është epidemiologjik, pra që të detyrojë karantinën.

Manastirliu u shpreh se po punohet me Ministrinë e Transportit dhe brenda këtyre dy ditëve miratohet protokollin në lidhje me transportin ajror, detar dhe kufitar.

Më pas, numri 1 i shëndetësisë foli për vaksinën kundër koronavirusit, ku theksoi se nëse ajo zbulohet, do të jetë patjetër edhe pjesë e programit shqiptar të vaksinimit.

Pjesë nga intervista

Pyetje: Hapja e kufijve…

Manastirliu: Hiqet karantina dyjavore dhe lejohet qarkullimi lirshëm i qytetarëve. Autoritetet e shëndetësisë kanë vendosur që të fillojmë të hapemi në disa drejtime. Kryesisht do të jenë hapje të rakorduara me marrëdhënie reciproke me vendet e tjera. Ne fillojmë nga data 1 hapjen e kufijve, besoj se edhe vendet e tjera brenda muajit maj do të shpallin datat e tyre.

Pyetje: Çfarë ndodh me Greqinë, që ka thënë se hapja e kufijve fillon më 15 qershor?
Manastirliu: Ajo që dihet deri më sot edhe nga vendet e BE është se do të kemi një hapje të vendeve evropiane, por edhe të vendeve të tjera, ku hyn edhe Shqipëria. Do të përcaktohen vendet që nuk kanë barrë epidemiologjike, që do të thotë se humbet karantinimi dyjavor. Asnjë vend evropian nuk është epidemiologjik, pra që të detyrojë karantinën. Greqia do të ketë një dalje brenda muajit maj, ku do të heqë dhe karantinën. Po punojmë me Ministrinë e Transportit dhe brenda këtyre dy ditëve miratojmë protokollin në lidhje me transportin ajror, detar dhe kufitar. Besoj që në fillim të javës tjetër do të kemi lajme sa i përket kufijve ajrorë dhe detarë.

Shpërndaje
Share.

Komento