Përmes një publikimi në rrjetin e saj social Facebook Ministrja e Arsimit, Sportit dhe Rinisë, Evis Kushi ka bërë një reagim ku bën me dije se ka zhvilluar një takim me përfaqësues të Ambasadës Franceze, Gjermane dhe asaj Spanjolle në Tiranë me të cilët kanë diskutuar rreth zbatimit në vijim të marrëveshjeve për seksionet dygjuhëshe në arsimin parauniversitar.
Ndër të tjera Ministrja e Arsimit, Sportit dhe Rinisë, Evis Kushi shprehet se gjatë diskutimit ishin ndalur dhe tek sugjerimet që ka dhënë secili prej këtyre parterëve për strategjinë të re të arsimit 2021-2026 dhe më konkretisht, për mësimin e gjuhës së huaj dhe të detyruar në arsimin parauniversitar.
E ndërkohë kujtojmë se për nisjn e vitit të ri shkolllor duhet të repektohen një sër masash të vendosura për të parandaluar përhapjen e varianteve të reja të Covid-19.
Postimi i plotë i Ministres Kushi:
“Në ambientet e Ministrisë së Arsimit, Sportit dhe Rinisë mirëprita përfaqësues nga Ambasada Franceze, Gjermane dhe Spanjolle në Tiranë, me të cilët diskutuam rreth zbatimit në vijim të marrëveshjeve për seksionet dygjuhëshe në arsimin parauniversitar”, shprehet Ministrja Kushi në postimin e saj.
“Gjatë takimit, u ndalëm tek sugjerimet që ka dhënë secili prej këtyre partnerëve për strategjinë e re të arsimit 2021-2026 dhe më konkretisht, për mësimin e gjuhës së huaj të detyruar në arsimin parauniversitar”.
