Ndër të ftuarit e puntatës së fundit të “Shiko Kush Luan” ishin çiftet Gjiko dhe Elita Rudi, si dhe gazetari Milaim Zeka dhe Edlira Qefalija.
Gjatë emisionit, Zeka i rrëfeu reperit një “sekret” të Elitës që përloti jo vetëm moderatoren dhe vetë gazetarin, por edhe të ftuarit e tjerë.
Zeka tregoi se moderatorja e kishte ndihmuar atë me djalin e motrës, i cili kishte vuajtur nga kanceri.
Ai gjeti rastin t’i shprehë mirënjohjen Elitës, duke i thënë Gjikos se është me fat që ka marrë një vajzë si ajo.
Gjiko dëshiroj të të them një sekret të nuses tënde, meqenëse jemi këtu te Luana, e kam patur gjithmonë dëshirë ta them publikisht. Elita e ka ndihmuar djalin e motrës sime kur ai ka qenë me kancer, kështu që e falenderoj shumë.
Ti ke patur fat që ke marrë një njeri si Elita, njejtë ajo për ty! Elita ka dalë në rrugë bashkë me mua dhe kemi tubu lekë për shërimin e tij edhe pse ai ka vdekur. Besoj që ka qenë vendi dhe momenti më i mrekullueshëm me i shpreh respekt dhe falenderim Elitës për këtë, në mënyrë që Elita të jetë shembull për vajzat dhe të tjerë. E të jetë një kujtim për gocën kur të lindë e të thotë “Mami e ka bërë këtë të mirë”- u shpreh gazetari i emocionuar, duke përlotur studion. /Iconstyle.al/
