Mijëra palestinezë të zhvendosur nga lufta kanë nisur të kthehen në veri të Gazës këtë mëngjes, pasi një mosmarrëveshje midis Hamasit dhe Izraelit i kishte bllokuar ata gjatë fundjavës.
Palestinezët kishin planifikuar të kalonin në veri të Korridorit Netzarim të shtunën, por turmat që prisnin të kalonin nëpër brezin shtatë kilometra të tokës të kontrolluar nga Izraeli u penguan kur Izraeli e mbylli korridorin për shkak të një marrëveshjeje të dështuar me Hamasin lidhur me lirimin e pengut civil, Arbel Yehud.
Marrëveshja e re ndërmjet Izraelit dhe Hamasit, e cila parashikon lirimin e Yehudit dhe dy pengjeve të tjerë të enjten, ka mundësuar që palestinezët të rifillojnë lëvizjen. Hamas ka dorëzuar prova që Yehud është gjallë përmes ndërmjetësuesve egjiptianë.
Në rrugën kryesore që çon në veri, mijëra palestinezë që ishin bllokuar për ditë të tëra, tani po lëvizin në këmbë, duke transportuar çfarëdo sendesh apo rrobash që mund të mbajnë.
Megjithatë, shumë prej tyre mund të zbulojnë se nuk kanë shtëpi ku të shkojnë, pasi pjesa më e madhe e Gazës veriore është shkatërruar nga bombardimet intensive izraelite.
