Disa mijëra demonstrues marshuan kundër lockdoën-iz përmes Londrës qendrore të shtunën, megjithë kufizimet në tubimet masive gjatë pandemisë COVID-19.
Ngjarja u quajt nga organizatorët: “Bashkohuni për Liri”.
Protestuesit i shohin kufizimet e COVID-19 si të panevojshme dhe shkelje të të drejtave të tyre njerëzore. Ata kundërshtojnë gjitahshtu vaksinimet, mbajtjen e maskave dhe të ashtuquajturat pasaporta shëndetësore që merren pas vaksinimit për Covid-19.
Në raportet e mediave thuhet se kanë qenë të pranishëm të paktën 10,000 , megjithëse Policia Metropolitane nuk konfirmoi një shifër të saktë për pjesëmarrjen.
Protestuesit brohorisnin “liri” dhe “hiqni maskën tuaj” dhe disa mbanin pankarta ku shkruheshin: “Jo pasaportave të vaksinës” dhe “Bllokimet vrasin”. Shumica e atyre që morën pjesë në protestë nuk mbanin maskë.
Një zëdhënës i Policisë Metropolitane tha se ai nuk ishte në dijeni të ndonjë arrestimi.
Anglia ka zbutur kufizimet e saj të bllokimit në javët e fundit. Dyqanet jo thelbësore dhe mikpritja në natyrë u rihapën më 12 prill, por tubimet në ambiente të mbyllura janë ende të ndaluara deri më 17 maj. Deri tani procesi i vaksinimit në Britani ka ecur me ritme të shpejta, teksa renditet e para në Europë për injektimet e kryera. Britania është gjitashtu një nga vendet që u godit më rëndë nga pandemia e Covid-19.
