Një mekanik shqiptar, Xhevair Ibraj, 42 vjeç, është dënuar me dy vjet burg pasi u kap nga policia irlandeze gjatë një dorëzimi kokaine me vlerë 139,000 euro. Ngjarja ndodhi në një kryqëzim në Porterstown Road, ku policia zbuloi se ai po merrte një çantë nga një bashkakuzuar, e cila më vonë rezultoi e mbushur me drogë.
Dyshja nuk ishte nën ndonjë survejim, por u arrestua nga një ekip policie që ishte në patrullim. Kur u afruan dhe i kërkuan të dorëzonte çantën, Ibraj fillimisht dha një qese me patate dhe më pas një qese me rroba, para se të zbulohet qesja e mbushur me kokainë brenda makinës së tij.
Makinën e tij gjithashtu e kontrolluan dhe zbuluan një pako tjetër me kokainë, me një vlerë të përgjithshme prej 139,132 euro. Ibraj, banues në The Village, Clonsilla të Dublinit, pranoi fajësinë për posedim droge për qëllime shitjeje ose furnizimi më 17 mars 2020.
Ai nuk kishte dënim të mëparshëm. Bashkakuzuesi i tij ishte një person i dënuar më herët me 4 vjet burg për akuzat më serioze të drogës. Avokati i Ibraj, Dwyer, theksoi se klienti ishte nga Shqipëria dhe jetonte në Irlandë prej 14 vjetësh. Ai është i martuar dhe ka dy fëmijë, punon si mekanik dhe është përshkruar nga avokati si një person punëtor dhe familjar. Klienti nuk kishte asnjë rekord penal të mëparshëm.
