Kryeministri Edi Rama përfundimisht e refuzoi ftesën e presidentit Ilir Meta në Presidencë.
Mëngjesin e sotëm, ka qenë kreu i PD-së Lulzim Basha, që zhvilloi takim me Metën, e ndërsa afati i fundit për të pritur në takim kryeministrin ishte ora 13:00.
Edi Rama ka reaguar në rrjetin social Twitter me 2 postime në pak minuta pas takimeve të njëpasnjëshme të Presidentit Meta në Presidencë:
“Zyrtare sot: Selia e opozitës rrugore është Presidenca e Republikës dhe udhëheqësi i katër galaktikëve të shtabit të revolucionit imagjinar për të mbrojtur me dhunë republikën e votën e popullit nga vetë populli, është vetë ai, Salvator Haxhi Qametaj. Çfarë karnevalesh politike”, shkruan në postimin e parë.
“Qeshni me ta dhe me qetësi e dashuri t’u japim një mesazh kumbues të dielën,duke votuar ose mosvotuar,por duke qenë të gjithë bashkë në një mendje se Shqipëria s’mund të jetë kurrë, një shesh për përsheshin e gatuar tërë këta muaj, të cilin duhet ta hanë ata që na e servirën”, është ky postimi i dytë i kryeministrit.
Qeshni me ta dhe me qetësi e dashuri t’u japim një mesazh kumbues të dielën,duke votuar ose mosvotuar,por duke qenë të gjithë bashkë në një mendje se Shqipëria s’mund të jetë kurrë, një shesh për përsheshin e gatuar tërë këta muaj, të cilin duhet ta hanë ata që na e servirën👊
— Edi Rama (@ediramaal) June 27, 2019
