Ish-Presidenti Ilir Meta është marrë sot në pyetje nga prokurorët e SPAK-ut në cilësinë e personit ndaj të cilit zhvillohen hetime.
Avokati i tij, Genc Gjokutaj, dha detaje pas dëshmisë më shumë se dy orë, duke theksuar se Meta është pyetur kryesisht për çështjen e lobimit.
Gjokutaj tha se Meta ka bashkëpunuar dhe ka qenë sqarues, duke zgjedhur të mos hesht, por të përballej me pyetjet. Ai gjithashtu kërkoi nga prokurorët informacion lidhur me çështjen e McGonigal dhe inceneratorët.
Meta është arrestuar më 21 tetor 2023 nga SPAK-u dhe po qëndron në burg pas një vendimi të Gjykatës së Posaçme Antikorrupsion, që ka caktuar masën “arrest në burg” për të.
Hetimi ndaj tij ka të bëjë me dyshimet për mosdeklarim pasurish, korrupsion dhe pastrim parash.
Meta ka reaguar ashpër në rrjetet sociale, duke e cilësuar këtë hetim një “rrëmbim të paligjshëm dhe banditesk” dhe ka thënë se do të marrë ai në pyetje prokurorët e SPAK-ut pas seancës.
