Presidenti i vendit Ilir Meta ka vazhduar të “thumbojë” ish liderin historik të Partisë Socialiste, Fatos Nano. Këtë herë ai ka qenë i ftuar në televizioni Syri ku ka bërë edhe deklaratat e radhës. Meta ka thënë se ai vetë ka dhënë shembullin më të mirë të zyrtarit të lartë që nuk i braktis kurrë institucionet edhe kur sulmohen me armë dhe nuk ka shkuar në kazino kur vendi kalon kohë të vështira. Ai gjithashtu është shprehur se Nano mbetet ordiner në karakter dhe i ka bërë “qokën” e radhës kryeministrit. Ndër të tjera Meta ka thënë se është mirënjohës që kur e ka patur shofer, Nano nuk e ka aksidentuar.
‘Une kurrë nuk kam dhënë shembullin e zyrtarit të lartë, i cili braktis institucionet kur ato sulmohen me armë dhe as nuk kam shkuar në kazino dhe buzuqe kur ndodhnin fatkeqësi kombëtare. Si karakter ai mbetet një ordiner por se çfarë e shtyu t’i bënte qokën e radhës kryeministrit këtë unë nuk mund ta di. I jam mirënjohës që kur e kam patur shofer, nuk më ka aksidentuar”, është shprehur Meta.
Një javë më parë, Fatos Nano ka qenë i ftuar në emisionin Opinion ku ka thënë se “Meta i ka të shtatë mëkatet e Biblës”. Më vonë presidenti iu përgjigj se nuk shkon të flasësh për Biblën edhe të luash kumar.
